NÒLL
Ma emm minga finii chì! Con la MCG te pòdet anca toeu ona otomòbil a nòll per tutt’i bisògn: se te gh’hee de fà on quaicòss intant che te se moeuvet nò, ò anca se te gh’hee d’andà con l’autista, per i sposalizzi, per di esposozion, ò per avveniment, per inaugurazion, per reclamm, e anca per fà ona quai filmada de television ò per el cinema.
Se gh’è bisògn de ona otomòbil per i mestee che hinn scritt de sora l’è assee dà on colp de telefono in manera de savè che veicol gh’è a disposizion.
RIMESSA
Se voeur nò lassà l’otomòbil in strada? Facil, se pò lassala in rimessa a la MCG in tre maner:
Standard: domà parchegg
Silver: parchegg, pizzada ògni tant e mantegnì in carica per fà in manera che la batteria la se conserva ben
Gold: parchegg, pizzad e batteria in carica, lavadura prima e dòpo la consegna e l’otomòbil ve la portom nun a cà e la ritirom quand avii finii de dopralla.
La spaesa l’è differenta conforma el tipo de otomòbil.
RESTAUR
La MGG la starà adree a tutt’i lavorà che i pusse qualificaa in del camp farann per vialter, per fà in manera de insubiv ona man qualificada e la sicurezza del risultaa per la conservazion de la vòstra vettura.
ISCRIZION / VIDIMAZION ASI – REGISTER DE MARCA
El personal de la MCG l’è a vòstra disposizion per la preparazion e per la compilazion de tutt’i document che ghe voeuren per la richiesta de iscrizion-vidimazion ASI, FIVA e alter register de marca dedicaa.
Se partiss da la ricerca de informazion tecnich, al svilupp di fòto che ghe voeuren e la MCG la ve consegnarà la pratica completta in tutt’i part e pronta per vess consegnada al vòster Club. El servizzi el preved anca de portà la vòstra vettura a la session de verifica e contròll, al vòster pòst!
… E ve par pòcch el fastidi che la MCG la ve cava…?
AFFITT “GARAGE”
Vesin a Milan, in on territòri quiett e servii da la metropolitana gh’è la sede de la Marietti Cars Garage. El loeugh, tiraa su de noeuv duu ann passaa el gh’ha on’area de 300 meter quadraa, dove se pò trovà anca on sit “relax” dove gh’è on banch bar, “videogiochi” doppi servizzi (per nminga scriv cess doppi) e on sit bell grand dove podii mett giò on quaicòss che ve pias e, a la fin on alter sit de 600 meter quadraa, ma quest l’è de foeura.
Il garage la va ben per tutt’i presentazion, fest e qualsesia altra ròba ligada al mond di otomòbil.
Nun semm a disposizion per vedè insema la manera de podè organizzà quell che vorii fà.